ឯកឧត្តម ងី ច័ន្រ្ទផល អញ្ជើញដឹកនាំគណប្រតិភូធ្វើទស្សនកិច្ចសិក្សាស្វែងយល់ អំពីការអនុវត្តការងារគណនេយ្យភាពសង្គម នៅរដ្ឋបាលថ្នាក់ក្រោមជាតិ ក្នុងខេត្តតាកែវ

តាកែវ៖ នៅរសៀលថ្ងៃអង្គារ ទី១៥ ខែកុម្ភៈ ឆ្នាំ២០២២នេះ ឯកឧត្តម ងី ច័ន្រ្ទផល រដ្ឋលេខាធិការក្រសួងមហាផ្ទៃ និងជាប្រធានគណៈកម្មាធិការគ្រប់គ្រងការអនុវត្ត ផែនការយុទ្ធសាស្រ្តគណនេយ្យសង្គម (គ.គ.អ.ស) បានដឹកនាំគណៈប្រតិភូ ធ្វើទស្សនកិច្ចសិក្សាស្វែងយល់ អំពីការអនុវត្តការងារគណនេយ្យ ភាពសង្គម នៅរដ្ឋបាលថ្នាក់ក្រោមជាតិ ក្នុងខេត្តតាកែវ។ កិច្ចប្រជុំនេះដែរក៏មានការអញ្ជើញចូលរួម ពី ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ ឯកឧត្តម លោកជំទាវ ក្រុមប្រឹក្សាខេត្ត លោក លោកស្រី អភិបាលរងខេត្ត លោកអភិបាលក្រុង ស្រុក និងប្រធានមន្ទីរអង្គភាពពាក់ព័ន្ធជាច្រើនផង ដែរ។