ឯកឧត្តម គួច ចំរើនបានអញ្ជើញចុះពិនិត្យវឌ្ឍនភាពការអនុវត្តគម្រោងអភិវឌ្ឍន៍ខេត្តព្រះសីហនុ

គោលដៅសំខាន់ៗដែលបានចុះពិនិត្យរួមមាន៖

១.លូរំដោះទឹកភ្លៀងពីអូរស្តេចមឹក តាមបណ្តោយផ្លូវលេខ៥០៧ឆ្ពោះមកឆ្នេរអូរឈើទាល (សូមបញ្ជាក់ថាលូរំដោះទឹកភ្លៀងនេះគឺប្រើដើម្បីរំដោះទឹកភ្លៀងនៅរដូវវស្សា ដោយចាប់យកទឹកភ្លៀងនៅកម្ពស់ទឹក១,២ម៉ែត្រគិតពីលើផ្ទៃទឹកធម្មតានៅរដូវប្រាំង)

២.ការដ្ឋានលូរំដោះទឹកតាមបណ្តោយផ្លូវលេខ៣០១ និងលូប្រអប់ផ្លូវលេខ៨១៨៨ ស្ថិតនៅភូមិ៥ សង្កាត់លេខ៤

៣.ការដ្ឋានលូប្រអប់មុខពីរកាត់ទទឹងផ្លូវ តាមបណ្តោយផ្លូវលេខ៨១៤៣

៤.ការដ្ឋានលូប្រអប់មុខពីរតាមបណ្តោយផ្លូវលេខ៨០០

៥.ការដ្ឋានស្ពានភ្ជាប់ផ្លូវលេខ៨០៦ទៅផ្លូវ១០៤

៦.ការដ្ឋានផ្លូវលេខ២១០

៧.ស្ពាន L.V

៨.ផ្លូវលេខ១០៤៦

៩.ស្ពាន និងអូរប្រឡាយអង្គការម្លប់តាប៉ាង

១០.ការដ្ឋានផ្លូវលេខ១២៦៣ ស្ថិតនៅក្នុងសង្កាត់លេខ៣ ក្រុងព្រះសីហនុ។

ក្នុងឱកាស នៃការចុះពិនិត្យវឌ្ឍនភាពការអនុវត្តគម្រោងអភិវឌ្ឍន៍ខេត្តព្រះសីហនុ ឆ្នាំ២០២២ ឯកឧត្តមអភិបាលខេត្ត បានធ្វើការណែនាំដល់ក្រុមការងារបច្ចេកទេសសាងសង់ត្រូវពន្លឿនការសាងសង់ឱ្យបានលឿនមុនរដូវភ្លៀងចូលមកដល់ ដើម្បីធ្វើយ៉ាងណាការពារកុំឱ្យមានផលប៉ះពាល់ដល់ប្រជាពលរដ្ឋ និងត្រូវធ្វើតាមស្តង់ដារបច្ចេកទេសឱ្យបានត្រឹមត្រូវ ដើម្បីធានាដល់ការប្រើប្រាស់បានយូរអង្វែង។