អតីតយុទ្ធជនកម្ពុជា ខេត្តបន្ទាយមានជ័យ ៥៣៨នាក់ ត្រូវបានឯកឧត្តម នាយឧត្តមសេនីយ៍ កិតិ្តសិង្ហហបណ្ឌិត គន់ គីម អញ្ជើញជួបសំណេះសំណាល និងបំពាក់គ្រឿងឥស្សរិយយសជូន
(បន្ទាយមានជ័យ)៖ អតីតយុទ្ធជនទាំងអស់គ្នា ត្រូវបន្តរួមគ្នាបោះឆ្នោតជូនសម្ដេចអគ្គមហាសេនាបតីតេជោ ហ៊ុន សែន ធ្វើជានាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា ។ឯកឧត្តម នាយឧត្តមសេនីយ៍ កិតិ្តសិង្ហហបណ្ឌិត គន់ គីម ទេសរដ្ឋមន្រ្តី អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា តំណាងដ៏ខ្ពង់ខ្ពស់សម្ដេចអគ្គសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា
មានប្រសាសន៍លើកឡើងបែបនេះក្នុងឱកាសអញ្ជើញជួបសំណេះសំណាល និងបំពាក់គ្រឿងឥស្សរិយយសជូនអតីតយុទ្ធជនកម្ពុជា ខេត្តបន្ទាយមានជ័យ នៅក្នុងបរិវេណផ្សារធំគំរូថ្មី(លោកឧកញ៉ា ហង្ស ស៊ីផា) ស្ថិតនៅក្នុងឃុំគំរូ ស្រុកថ្មពួក ខេត្តបន្ទាយមានជ័យ នៅព្រឹកថ្ងៃអង្គារ៍ ទី១៦ ខែឧសភា ឆ្នាំ២០២៣។
បន្ទាប់ពីឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានឡើងធ្វើការរាយការណ៍សង្ខេបអំពីស្ថានភាពភូមិសាស្ត្រ និងការងារសន្តិសុខសម្រាប់ធ្នាប់សាធារណៈនៅក្នុងខេត្តបន្ទាយមានជ័យរួចមក។ឯកឧត្តម នាយឧត្តមសេនីយ៍ កិតិ្តសិង្ហហបណ្ឌិត គន់ គីម បានសំដែងនូវការកោតសរសើរដោយស្មោះ ព្រមជាមួយនៅការដឹងគុណចំពោះនាយទាហានប៉ូទាហាន និងកងកម្លាំងប្រដាប់អាវុធទាំងអស់ដែលបានខិតខំបំពេញភារកិច្ចការពារជាតិមាតុភូមិនៃយើង និងថ្លែងអំណរគុណចំពោះថ្នាក់ដឹកនាំខេត្ត ព្រមទាំងកងកម្លាំងប្រដាប់អាវុធទាំងអស់ ក៏ដូចជាអាជ្ញាធរមូលដ្ឋានគ្រប់លំដាក់ថ្នាក់ ក្នុងការចូលរួមចំណែកអភិវឌ្ឍន៍មូលដ្ឋាន លើគ្រប់វិស័យ។ជាពិសេស ក្នុងការជួយដោះស្រាយទុក្ខលំបាករបស់អតីតយុទ្ធជនកម្ពុជា។
ជាមួយគ្នានោះឯកឧត្តម នាយឧត្តមសេនីយ៍ កិតិ្តសិង្ហហបណ្ឌិត បានធ្វើការដាំផ្ញើដល់បងប្អូនអតីតយុទ្ធជន ក៏ដូចជាប្រជាពលរដ្ឋទូទាំងខេត្តបន្ទាយមានជ័យ ប្តេជ្ញាបន្តគាំទ្រនូវរាល់សកម្មភាព ដឹកនាំរបស់រាជរដ្ឋាភិបាលកម្ពុជាដោយឥតងាករេ និងសូមគាំទ្រសម្ដេចអគ្គមហាសេនាបតីបតីតេជោ ហ៊ុន សែន ជាបេក្ខភាពនាយករដ្ឋមន្ត្រី អាណត្តិទី៧ និងអាណត្តិបន្តបន្ទាប់ និងសូមគាំទ្រឯកឧត្តមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្ត្រីបន្តវេន។
បន្ទាប់ពីការបញ្ចប់ជួបសំណេះសំណាលរួចមក ឯកឧត្តមគណៈអធិបតីក៏បានធ្វើការបំពាក់គ្រឿងឥស្សរិយយសជូនអតីតយុទ្ធជនកម្ពុជា ខេត្តបន្ទាយមានជ័យ និងឧបត្ថម្ភថវិការជូនអតីតយុទ្ធជនកម្ពុជាទាំង ៥៣៨នាក់ ដោយក្នុង១នាក់ ទទួលបាន ៥ម៉ឺនរៀលផងដែរ៕
