ព័ត៌មានជាតិ
ឯកឧត្តម អ៊ុំ រាត្រី និងជាប្រធានគណបក្សប្រជាជនកម្ពុជាខេត្តបន្ទាយមានជ័យ ចុះដឹកនាំ និងចូលរួមដង្ហែយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់
![](https://firstnewsexpress.com/wp-content/uploads/2022/05/283129868_7536977589677690_3639076778888175427_n-780x470.jpg)
នាព្រឹកថ្ងៃសៅរ៍ ៦រោច ខែពិសាខ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២១ ខែឧសភា ឆ្នាំ២០២២ ឯកឧត្តម អ៊ុំ រាត្រី សមាជិកយុវជនគណកប្សប្រជាជនកម្ពុជាថ្នាក់កណ្ដាល និងជាប្រធានគណបក្សប្រជាជនកម្ពុជាខេត្តបន្ទាយមានជ័យ ចុះដឹកនាំ និងចូលរួមដង្ហែយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី០៥ នៅសង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ហើយឯកឧត្ដមបានអំពាវនាវដល់ក្រុមការងារ និងសមាជិក សមាជិកាគណបក្សប្រជាជនកម្ពុជាថាសូមអញ្ជើញចូលរួមដង្ហែនៃការបើកយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ ឱ្យបានទាំងអស់គ្នាដែលជាថ្ងៃដំបូងនៃការចាប់ផ្តើមបើកយុទ្ធនាការនេះ។
ជាមួយគ្នានោះ ឯកឧត្តម បានថ្លែងអំណរគុណដល់ក្រុមការងារគ្រប់លំដាប់ថ្នាក់ និងសមាជិក សមាជិកាបក្សប្រជាជនកម្ពុជាទាំងអស់ ដែលបានអញ្ជើញចូលរួមធ្វើយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់នេះ មាននៅតាមបណ្ដារឃុំ-សង្កាត់ទាំង៦៧ នៃ៩ស្រុក-ក្រុងខេត្តបន្ទាយមានជ័យ ដោយគណប្រជាជនកម្ពុជាចេញដំណើរធ្វើយុទ្ធនាការឃោសនាយ៉ាងគគ្រឹកគគ្រេង ផុលផុសជាទ្រង់ទ្រាយមធ្យម និងធំ។
លោក ហ៊ី គឹមសេង ប្រធានគណៈកម្មាធិការរៀបជាតិចំការបោះឆ្នោតខេត្តបន្ទាយមានជ័យ (គជខ ឬPEC) បានប្រាប់កាសែតរស្មីកម្ពុជាថា៖ ដូចកម្មវិធី ឬសេចក្តីជូនដំណឹងរបស់គណបក្សនយោបាយនានាដែល គជខ ទទួលបាន គឺនៅព្រឹក ថ្ងៃត្រង់ និងរសៀលថ្ងៃទី២១ ខែសភា ឆ្នាំ២០២២នេះ គណបក្សប្រជាជនកម្ពុជានឹងបើកសម្ពោធការធ្វើយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី០៥នេះ នៅខេត្តបន្ទាយមានជ័យ។ សូមបញ្ជាក់ថា ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នាថ្ងៃទី០៥ ខែមិថុនា ឆ្នាំ២០២២ខាងមុខនេះ សម្រាប់ខេត្តបន្ទាយមានជ័យមានចំនួន ១១ គណបក្សនយោបាយចូលរួម។
![](http://dnn-news.com/wp-content/uploads/2022/05/283129868_7536977589677690_3639076778888175427_n.jpg)
![](http://dnn-news.com/wp-content/uploads/2022/05/281351147_7536977663011016_5690569868282845761_n.jpg)
![](http://dnn-news.com/wp-content/uploads/2022/05/281353103_7536977473011035_4862976600516134067_n.jpg)
![](http://dnn-news.com/wp-content/uploads/2022/05/282056855_7536977533011029_3589317046749200159_n.jpg)
![](http://dnn-news.com/wp-content/uploads/2022/05/282131826_7536977483011034_1575367567268800634_n.jpg)
![](http://dnn-news.com/wp-content/uploads/2022/05/282563060_7536977509677698_8779233054796479986_n.jpg)
![](http://dnn-news.com/wp-content/uploads/2022/05/283129868_7536977589677690_3639076778888175427_n.jpg)