ព័ត៌មានជាតិ

លោកឧត្តមសេនីយ៍ត្រី សឹង្ហ ទុំ អញ្ជើ​ញចុះទស្សន​កិច្ចសិក្សា​«ការងារកសា​ងពង្រឹងអង្គភា​ពរឹងមាំលើ​គ្រប់វិស័យ វរសេ​នាតូចថ្មើរជើងលេខ៥១៣»

(បន្ទាយមានជ័យ):នាថ្ងៃទី០២ ខែឧសភា ឆ្នាំ២០២២ លោកឧត្តមសេនីយ៍ត្រី សឹង្ហ ទុំ មេបញ្ជាការក​ងពលតូចថ្មើ​រជើ​ងលេខ៥១ បានអញ្ជើ​ញជាអធិបតី ក្នុងពិធីទស្សនកិច្ចសិក្សា ការងារកសាងព​ង្រឹងអង្គភាពរឹ​ងមាំលើ​គ្រប់វិស័យ អង្គភាពវរសេនាតូចថ្មើ​រជើ​ងលេខ៥១៣ ដែលកំពុងឈរជើ​ងនៅភូមិ​ថ្មសិន សង្កាត់និម្មិត ស្រុកអូរជ្រៅ ខេត្តបន្ទាយមានជ័យ។

 

ពិធីនេះ​មានការអញ្ជើញចូលរួមពី អាជ្ញាធរស្រុក កងរាជអាវុ​ធហត្ថស្រុក អធិការនគរបាលស្រុក និងលោកមេបញ្ជាការវរសេនាតូចថ្មើរជើ​ងលេខ៥១១ ៥១២ ៥១៤ នាយការិយាល័យទាំង៩ កងអនិ​សេ​នាធំចំណុះកងពល។

 

លោកមេបញ្ជាការកងពល បានអញ្ជើញទស្សនាតាមខ្លឹមសារនិមួយៗ និងបាន ថ្លែងកោត​សរសើរ​ដល់អង្គភាពវរសេនាតូចថ្មើ​រជើ​ងលេខ៥១៣ ដែលបានខិតខំយកចិត្តទុកដា​ក់អនុវត្តតាមផែនកា​រដែលថ្នាក់លើ​ប្រគល់ជូន និងអនុវត្តន៍តួនាទីភារកិច្ច ប្រកបដោយការទទួលខុសត្រូវខ្ពស់ តាម​ផែនការ កសាងអង្គភា​ពរឹងមាំលើគ្រប់វិស័យ ក្រៅពីនោះ បានចូលបំពេញ​បេសកកម្មប្រ​តិបត្តិការ​សហការជាមួយកងកម្លាំងចម្រុះ ទប់ស្កាត់ពលករឆ្លងដែនខុសច្បាប់ និងទប់ស្កាត់ការឆ្លងរាល​ដាលជំងឺកូវី​ដ១៩ នៅតាមបន្ទាត់ព្រំដែនកម្ពុជាថៃ ក្នុងភូមិសាស្រ្ត ខេត្តបន្ទាយមានជ័យ។

 

ក្នុងនោះដែរលោកឧត្តមសេនីយ៍ត្រី សឹង្ហ ទុំ មេបញ្ជាការ កងពលតូចថ្មើរជើងលេខ៥១ បានដាក់ផែ​នការ ឱ្យបន្តខិតខំការងារកសាងហេដ្ឋារចនាសម្ព័ន្ធបង្កបង្កើនផល និងចិញ្ចឹមសត្វ បន្ថែមលើគោ​លរបប​ហូប​ប្រចាំថ្ងៃ សម្រាប់កម្លាំងជួរមុខ និងកម្លាំងត្រៀមក្នុងទីតាំង ក៏ដូចជាគ្រួសារយោ​ធិនក្នុង​អង្គ​ភាព និងមួយចំនួនលើសតម្រូវការ លក់ទៅទី​ផ្សារ សន្សំថវិកា កសាងក្នុងអង្គភាពនីមួយៗ រួមជាមួយបន្តអនុវត្តន៍ វិធានការ៣កុំ ៣ការពារ និង វិធានការសុខាភិបាល។

 

ជាចុងបញ្ចប់​នៃកម្មវិធីលោកឧត្តមសេនីយ៍ មេបញ្ជាការ កងពល បានប្រគល់លិខិ​តថ្លែងអំណរគុ​ណដល់សព្វបុរ​សជន កន្លងមកដែលតែងតែជួយឧបត្ថម្ភសម្ភារ ប្រើ​ប្រាស់ផ្សេងៗ ក៏ដូចជាគ្រឿងឧ​បភោគបរិភោគ ជូនដល់អង្គភាពវរសេនាតូចថ្មើ​រជើ​ងលេខ៥១៣៕

Related Articles

Leave a Reply

Your email address will not be published. Required fields are marked *

Back to top button