មន្រ្ដីលេខាធិការដ្ឋាន គណៈកម្មការ ថ្លឹងរថយន្តចល័ត ចុះត្រួតពិនិត្យនៅផ្លូវជាតិលេខ៥ ស្រុក មង្គលបូរី
ខេត្តបន្ទាយមានជ័យ៖យោងតាមសេចក្ដីជូនដំណឹងលេខ០៤៩ របស់ក្រសួងសាធារណការនិងដឹកជញ្ជូន ស្ដីពីការពង្រឹងវិធានការយ៉ាងតឹងរ៉ឹងបន្ថែម ចំពោះយានយន្តដឹកជញ្ជូនធុនធ្ងន់ដែលបើកបរលើបណ្ដាញផ្លូវថ្នល់ នៅព្រឹកថ្ងៃទី១៧ ខែកុម្ភៈ ឆ្នាំ២០២២ ក្រុមមន្ត្រីលេខាធិការ គណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ដឹកនាំដោយលោក តាំង ពៅ ប្រធានលេខាធិការដ្ឋាន សហការជាមួយមន្ទីរសាធារណការ និងដឹកជញ្ជូន ខេត្តបន្ទាយមានជ័យលោក សុក ចាប់ថា ជាប្រធាន បានធ្វើការចុះឃាត់នូវយានយន្តដឹកជញ្ជូនធុនធ្ងន់ជាច្រើនគ្រឿង នៅកំណាត់ផ្លូវជាតិលេខ៥ ក្នុងភូមិសាស្ត្រស្រុកមង្គលបុរី ដើម្បីធ្វើការត្រួតពិនិត្យ និងធ្វើការថ្លឹងចល័តឬអ្នកដឹកលើសទម្ងន់កំណត់ផាកពិន័យតាមច្បាប់ជាក់ស្ដែង ក្នុងការផលិតយានយន្តទាំងអស់ឃើញថា មានរថយន្តមួយចំនួនដឹកលើសកម្រិតកំណត់ជារថយន្តដឹកខ្សាច់។
លោក សុក ចាន់ថា ប្រធានមន្ទីរសាធារណការ និងដឹកជញ្ជូនខេត្តបន្ទាយមានជ័យ បានបញ្ជាក់ថា កន្លងមកគណៈកម្មាធិការដឹកនាំការត្រួតពិនិត្យយានយន្ត ដឹកជញ្ជូនលើសទម្ងន់កម្រិតកំណត់បានពិនិត្យឃើញថា ម្ចាស់ក្រុមហ៊ុនដឹកជញ្ជូនម្ចាស់រថយន្តធុនធ្ងន់ និងអ្នកបើកបររថយន្តធុនធ្ងន់បានចូលរួម គោរពបទប្បញ្ញត្តិច្បាប់ និងលិខិតបទដ្ឋានគតិយុត្តបានកាន់តែល្អ តាមរយៈការផ្សព្វផ្សាយអប់រំណែនាំ និងចាត់វិធានការ តាមបទបញ្ជានៃច្បាប់ ប៉ុន្តែទន្ទឹមនឹងនេះក៏នៅមានម្ចាស់ក្រុមហ៊ុនដឹកជញ្ជូនម្ចាស់រថយន្តធុនធ្ងន់ និងអ្នកបើកបររថយន្តធុនធ្ងន់មួយចំនួន នៅតែពុំទាន់ចូលរួមគោរពអនុវត្ត បញ្ញត្តិច្បាប់និងលិខិតបទដ្ឋានគតិយុត្តឲ្យបានពេញលេញ និងត្រឹមត្រូវនៅឡើយ ដូចនេះដើម្បីពង្រឹងការអនុវត្តនូវបទបញ្ញត្តិ នៃច្បាប់ស្ដីពីផ្លូវថ្នល់ និងលិខិតបទដ្ឋានគតិយុត្តពាក់ព័ន្ធឲ្យកាន់តែមានប្រសិទ្ធភាពខ្ពស់ ក្នុងការការពារហេដ្ឋារចនាសម្ព័ន្ធផ្លូវថ្នល់ ស្ពាន និងសំណង់សិល្បការ ផ្លូវថ្នល់ឲ្យបានជាប់រឹងមាំគង់វង្ស និងធន់ជាប់តាមអាយុកាលបច្ចេកទេសសាងសង់ ៕
