បុគ្គលិកកាស៊ីណូម្នាក់ ដេកស្លាប់នៅក្នុងបន្ទប់ជួលមួយកន្លែង នៅក្នុងសង្កាត់អូរជ្រៅ ក្រុងប៉ោយប៉ែត បង្ករការភ្ញាក់ផ្អើល សង្ស័យខ្យល់គរ
(បន្ទាយមានជ័យ)៖ស្ត្រីវ័យជាង២០ ជាបុគ្គលិកកាស៊ីណូម្នាក់ ដេកស្លាប់នៅក្នុងបន្ទប់ជួលមួយកន្លែង ស្ថិតនៅក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ បង្កការភ្ញាក់ផ្អើលនាថ្ងៃទី៨ ខែឧសភា ឆ្នាំ២០២៣ សង្ស័យខ្យល់គរ ។
បើម្តាយជនរងគ្រោះបានឲ្យដឹងថា ខ្លួនមានកូន២នាក់ ជនរងគ្រោះដែលបានស្លាប់មានឈ្មោះ សំ ស្រីនឿន អាយុ២៧ឆ្នាំ ។ម្តាយជនរងគ្រោះរៀបរាប់បន្តថា ដោយសារជីវភាពក្នុងគ្រួសារមានការខ្វះខាតទើបសម្រេចចិត្តឲ្យកូនស្រីទៅបម្រើការងារជាបុគ្គលិកកាស៊ីណូ នៅក្នុងក្រុងប៉ោយប៉ែត ដោយការធ្វើដំណើរទៅមកផ្លូវរាងឆ្ងាយពីលំនៅដ្ឋានស្ថិតនៅក្នុងភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ប្រមាណជិត១០គីឡូម៉ែត្រ ណាមួយម៉ូតូមានតែមួយទៀតនោះ ទើបកូនស្រីដែលជាជនរងគ្រោះ(សព) បានសុំម្តាយស្នាក់នៅបន្ទប់ជួលនៅម្តុំកន្លែងធ្វើការ តាំងពីចាប់ផ្តើមចូលធ្វើការ រហូតមកដល់ពេលនេះ គឺបានជិតបីខែទៅហើយ ដោយធ្វើការប្តូកន្លែងស្នាក់នៅពីកន្លែង ហើយនៅបន្ទប់ជួលចុងក្រោយនៅចំណុចខាងលើនេះស្នាក់នៅបានប្រមាណជាងមួយខែរតែប៉ុណ្ណោះ ។លុះមុនកើតហេតុពោលគឺមុនជនរងគ្រោះស្លាប់មួយថ្ងៃខ្លួនជាម្តាយបានខលទៅកូនចូលតែគ្មានអ្នកទទួល ដោយមានការសង្ស័យ ណាមួយត្រូវនឹងថ្ងៃកំណត់ដែលម្ចាស់អាគារស្នាក់នៅឲ្យអ្នកជួលរើចេញ ដើម្បីធ្វើការជួសជុលថ្មីឡើងវិញផងនោះ ក៏ស្រាប់តែនូវសល់បន្ទប់ជនរងគ្រោះនៅក្រោយគេ សន្តិសុខគោះទ្វាហៅមិនឆ្លើតប ក៏មានការសង្ស័យនាំគ្នាទម្លុះទ្វាចូលមើលក៏ស្រាប់តែឃើញសាកសពដេកស្លាប់ម្នាក់ឯងនៅក្នុងបន្ទប់បង្កការភ្ញាក់ផ្អើលដល់ប្រជាពលរដ្ឋ និងរាយការណ៍ជូនសមត្ថកិច្ចជំនាញនៃអធិការដ្ឋាននគរបាលក្រុង និងអាជ្ញាធមូលដ្ឋាន ចុះមកធ្វើមកធ្វើកោសល្យវិច្ឆ័យភ្លាមៗនៅនឹងកន្លែងកើតហេតុ។
ក្រោយពីធ្វើកោសល្យវិច្ឆ័យរួចសមត្ថកិច្ចជំនាញបានសនិដ្ឋានថា សពស្លាប់ដោយសារខ្យល់គរ រួចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ។ជាមួយគ្នានោះដែរដោយមើលឃើញពីការលំបាក ខ្វះខាតក្នុងជីវភាពនោះ លោក នួន នីគីដា ជាប្រជាពលរដ្ឋបានយករថយន្តផ្ទាល់ខ្លួនរបស់លោក ជួយដឹកសាកសព រីឯក្រុមចលនាយុវជនកម្ពុជាក្រុម១៥៧ ក្រុងប៉ោយប៉ែត បានជួយឧបត្ថម្ភក្តារមឈូសមួយ ,មេបញ្ជាការ កងរាជអាវុធហត្ថក្រុងប៉ោយប៉ែត ឧបត្ថម្ភថវិការចំនួន ២០ម៉ឺនរៀល និងកោដ្ឋដាក់ធាតុមួយផងដែរ ៕
