ព័ត៌មានជាតិ
ឯកឧត្តម ម៉ែន វិបុល អភិបាលខេត្តស្វាយរៀង អញ្ជើញជួបសំណេះសំណាលជាមួយមន្ត្រីកម្មសិក្សា ដែលទេីបបានប្រឡងជាប់ក្របខណ្ឌមន្ត្រីរាជការចូលបម្រើការងារក្នុងសាលាខេត្តស្វាយរៀង
![](https://firstnewsexpress.com/wp-content/uploads/2022/02/272836915_4777294545659818_8076357905691641487_n-780x470.jpg)
នាព្រឹកថ្ងៃចន្ទ ទី៣១ ខែមករា ឆ្នាំ២០២២នេះ នៅសាលប្រជុំព្រៃបាសាក់ អគារ ខ សាលាខេត្ត ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញជួបសំណេះសំណាលជាមួយមន្ត្រីកម្មសិក្សា ទាំង ៦រូប ដែលទេីបបានប្រឡងជាប់ក្របខណ្ឌមន្ត្រីរាជការចូលបម្រើការងារក្នុងសាលាខេត្តស្វាយរៀង។
មានប្រសាសន៍នូវក្នុងឱកាសនោះឯកឧត្តមអភិបាលខេត្តបានធ្វេីការផ្តាំផ្ញេីនូវចំណុចសំខាន់ៗមួយចំនួនដូចជា៖
១-ត្រូវគោរពពេលវេលាក្នុងម៉ោងការងារឲ្យបានត្រឹមត្រូវតាមបទបញ្ជាផ្ទៃក្នុងរបស់អង្គភាព។
២-ក្នុងនាមជាមន្ត្រីត្រូវខិតខំបំពេញការងារទៅតាមតួនាទីភារកិច្ចរបស់ខ្លួនដែលថ្នាក់ដឹកនាំប្រគល់ជូន។
៣-ត្រូវមានសាមគ្គីភាពគ្នានៅក្នុងអង្គភាព។
៤- កុំតាំងខ្លួនជាមន្ត្រីជេីងដប់ឲ្យសោះ ត្រូវតាំងខ្លួនជាមន្ត្រីជេីងពីរ។
៥-ត្រូវប្រកាន់ខ្ជាប់នូវឥរិយាបទទាំងបួនរបស់មន្ត្រីរាជការ គឺឆន្ទៈ ម្ចាស់ការ ភក្ដីភាព និងវប្បធម៌សេវាសាធារណៈ។
៦- កុំតាំងខ្លួនជាមន្ត្រីគ្រាប់ល្ពៅ គឺត្រូវធ្វេីជាមន្ត្រីដែលស្មោះត្រង់ចំពោះថ្នាក់ដឹកនាំ ចំពោះអង្គភាព ចំពោះការងាររបស់ខ្លួន និងប្រជាជន។ ត្រូវបំពេញការងារដោយស្មោះត្រង់ និងឲ្យអស់ពីសមត្ថភាព ដេីម្បីចូលរួមចំណែកក្នុងកិច្ចការផ្ដល់សេវារដ្ឋបាលជូនប្រជាពលរដ្ឋឲ្យបានកាន់តែល្អប្រសើរ ប្រកបដោយប្រសិទ្ធភាព និងជោគជ័យ។
៧-ត្រូវខិតខំសិក្សា ស្វែងយល់ និងរៀនសូត្រពីចំណេះដឹង និងបច្ចេកវិទ្យាថ្មីៗ ដើម្បីប្រើប្រាស់ជាគុណប្រយោជន៍ដល់ការអភិវឌ្ឍអង្គភាពដែលខ្លួនបម្រើការងារឲ្យកាន់តែមានការរីកចម្រើន៕
![](http://www.vas-news.com/wp-content/uploads/2022/02/272923292_4777294535659819_5604923061855651086_n.jpg)
![](http://www.vas-news.com/wp-content/uploads/2022/02/250925784_4777294582326481_7942880806740624532_n.jpg)
![](http://www.vas-news.com/wp-content/uploads/2022/02/272718530_4777294592326480_5627095686560441319_n.jpg)
![](http://www.vas-news.com/wp-content/uploads/2022/02/272761906_4777294572326482_8254499678707843345_n.jpg)
![](http://www.vas-news.com/wp-content/uploads/2022/02/272836915_4777294545659818_8076357905691641487_n.jpg)
![](http://www.vas-news.com/wp-content/uploads/2022/02/272871868_4777294608993145_5601643307000017587_n.jpg)
![](http://www.vas-news.com/wp-content/uploads/2022/02/272923292_4777294535659819_5604923061855651086_n.jpg)