កម្លាំងអន្តរាគមន៍កងពលតូចថ្មើរជើងលេខ៥១ ចុះជួយប្រជាពលរដ្ឋរងគ្រោះដោយខ្យល់កន្ត្រាក់ ក្នុងភូមិសាស្ត្រ ស្រុកម៉ាឡៃ
ខេត្តបន្ទាយមានជ័យ៖នាថ្ងៃទី៣ ខែកុម្ភៈ ឆ្នាំ២០២២ លោកឧត្តមសេនីយ៍ត្រី សឹង្ហ ទុំ មេបញ្ជាការកងពលតូចថ្មើរជើងលេខ៥១ បានចាត់តាំងកម្លាំងអន្តរាគមន៍ ដឹកនំាដោយ លោកវរសេនីយ៍ត្រី គង់ សារ៉ុម មេបញ្ជាការវរសេនាតូចថ្មើរជើងលេខ៥១៣ សហការជាមួយកម្លាំងចម្រុះ និងអាជ្ញាធរមូលដ្ឋាន បានចុះជួយជុសជុលផ្ទះប្រជាពលរដ្ឋរងគ្រោះដោយសារខ្យល់កន្ត្រាក់ កាលពីល្ងាចថ្ងៃទី២ ខែកុម្ភៈ ឆ្នាំ២០២២ វេលាម៉ោង ១៨:៥០នាទី ដែលបណ្តាលឲ្យរងការខូចខាតផ្ទះប្រជាពលរដ្លសរុបចំនួន ២៣ខ្នង ធ្ងន់ ៨ខ្នង ស្ថិតនៅភូមិអភិវឌ្ឍន៍ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ។
សូមបញ្ជាក់ថា ទោះបីជាស្ថិតក្នុងបរិបទនៃជំងឺកូវីដ–១៩ កម្លាំងមួយចំនួននៅបន្តឈរជើងតាមបន្ទាត់ព្រំដែនកម្ពុជា–ថៃ ដើម្បីទប់ស្កាត់ការលួចឆ្លងដែនដោយខុសច្បាប់ និងការរីករាលដាលនៃជំងឺកូវីដ–១៩ ចូលសហគមន៍ កម្លាំងមួយចំនួនទៀតបានត្រៀមខ្លួនរួចជាស្រេច ក្នុងការជួយសង្គ្រោះប្រជាពលរដ្ឋរងគ្រោះដោយគ្រោះមហន្តរាយផ្សេងៗជាយថាហេតុ ២៤ម៉ោង លើ ២៤ម៉ោង៕
