ព័ត៌មានជាតិ
ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និង Mr Bruno Bodard Director General of the MBBW អញ្ចើញបើកសន្និសិទអន្តរជាតិ ស្តីពីការអភិវឌ្ឍ និងការអភិរក្សឆ្នេរសមុទ្រកម្ពុជា
![](https://firstnewsexpress.com/wp-content/uploads/2022/12/319553914_469468401970642_6559504500797306586_n-780x470.jpg)
រសៀលថ្ងៃអាទិត្យ ទី១១ ខែធ្នូ ឆ្នាំ២០២២ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និង Mr Bruno Bodard Director General of the MBBW អញ្ចើញបើកសន្និសិទអន្តរជាតិ ស្តីពីការអភិវឌ្ឍ និងការអភិរក្សឆ្នេរសមុទ្រកម្ពុជា ដោយមានការអញ្ជើញចូលរួមពីប្រតិភូសមាជិកក្លឹបឆ្នេរសមុទ្រស្អាតជាងគេលើសកលលោក នៅសណ្ឋាគារឯករាជ្យ ស្ថិតនៅសង្កាត់លេខ៣ ក្រុងព្រះសីហនុ។
ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ បានមានប្រសាសន៍ថា ថ្ងៃនេះយើងរីករាយ និងជាថ្ងៃសំខាន់ដែលសមាជិកក្លឹបឆ្នេរសមុទ្រស្អាតបានចូលរួមសន្និសិទអន្តរជាតិមានបទពិសោធន៍ល្អធ្វើការចែករំលែក ហើយកម្ពុជាទទួលយកបទពិសោធន៍ពីមិត្តភក្រដែលបានធ្វើការចែករំលែក។
ឯកឧត្តមបណ្ឌិត បានបន្តថា កម្ពុជាជាប្រទេសតូចនៅឆ្នាំ១៩៧០ ធ្លាក់ចូលក្នុងសង្គ្រាម ហើយនៅឆ្នាំ១៩៧៥ ដល់១៩៧៨ ធ្លាក់ចូលក្នុងរបបប្រល័យពូជសាសន៍រាល់ហេដ្ឋារចនាសម្ព័ន្ធមានដូចជា ផ្លូវ ទឹក ភ្លើងត្រូវបានបំផ្លាញធ្ងន់ធ្ងរថែមទៀត ពិសេសធនធានមនុស្សមានដូចជាបញ្ញវន្ត និងអ្នកជំនាញផ្សេងទៀតត្រូវបានសម្លាប់ក្នុងរបបប្រល័យពូជសាសន៍ប៉ុលពត។ ក្រោយថ្ងៃរំដោះ៧ មករា ១៩៧៩ បញ្ហាហេដ្ឋារចនាសម្ព័ន្ធត្រូវបានបំផ្លាញ កម្ពុជាកសាងប្រទេសឡើងវិញពីបាតដៃទទេ កម្ពុជាត្រូវកសាងធនធានមនុស្ស ដើម្បីឱ្យកូនចៅបានចូលសិក្សារៀនសូត្រ យើងមិនមានគ្រូ។ រាជរដ្ឋាភិបាលបានដាក់ចេញនូវគោលការ អ្នកចេះច្រើនបង្រៀនអ្នកចេះតិច អ្នកចេះតិចបង្រៀនអ្នកអត់ចេះ រហូតដល់ឆ្នាំ១៩៩៣ កម្ពុជាបានបង្កើតរដ្ឋាភិបាលចម្រុះ មិនមានសុខសន្តិភាពពេញលេញ ដោយធ្វើការបង្រួបបង្រួមគ្នាមានកងកម្លាំងបីភាគីក្នុងនោះមានកងកម្លាំងរបស់រដ្ឋកម្ពុជា កងកម្លាំងលោកតាសឿនសាន្ត និងកងកម្លាំង របស់សម្ដេចព្រះនរោត្តម រណឬទ្ធិ។
ឯកឧត្តមបណ្ឌិត ថោង ខុន បានបន្តថា នៅឆ្នាំ១៩៩៨ រដ្ឋាភិបាលកម្ពុជាបានដាក់ ចេញនូវគោលនយោបាយឈ្នះឈ្នះធ្វើការបង្រួបបង្រួម បង្កើតរដ្ឋាភិបាលដោយគោរពរដ្ឋធម្មនុញ គោរពព្រះមហាក្សត្រ ធ្វើឱ្យកម្ពុជាមានសុខសន្តិភាពពេញលេញ មកដល់បច្ចុប្បន្ននេះ។ ក្នុងនោះវិស័យទេសចរណ៍របស់កម្ពុជានៅឆ្នាំ១៩៩៣ មានទេសចរណ៍ប្រមាណ ២០ម៉ឺននាក់ និងមុនកូវីដ-១៩ ឆ្នាំ២០២០ កម្ពុជាទទួលបានទេសចរណ៍ ៦,៦លាននាក់ (៦,៦០០,០០០នាក់) កម្ពុជាមានតំបន់ទេសចរណ៍ល្អ គឺប្រាសាទអង្គរ រួចបន្តធ្វើការអភិវឌ្ឍវិស័យទេសចរណ៍មកតំបន់សមុទ្រ ដោយធ្វើការអភិវឌ្ឍន៍តំបន់ឆ្នេរសមុទ្រ រហូតពិភពលោកទទួលស្គាល់ឆ្នេរសមុទ្រកម្ពុជាជាឆ្នេរស្រស់ស្អាតជាងគេលើសកលលោក មានប្រវែងជាង ៤០០គីឡួម៉ែត្រក្នុងភូមិសាស្ត្រខេត្តចំនួនបួនមានដូចជា ខេត្តកោះកុង ខេត្តព្រះសីហនុ ខេត្តកំពត និងខេត្តកែប។ កម្ពុជាបានធ្វើជាម្ចាស់ផ្ទះរៀបចំមហាសន្និបាតក្លឹបឆ្នេរសមុទ្រដែលស្អាតជាងគេលើសកលលោក ឆ្នាំ២០២២ នៅខេត្តព្រះសីហនុ ហើយមហាសន្និបាតក្លឹបឆ្នេរសមុទ្រនេះ ត្រូវបានធ្វើការផ្លាស់ប្តូរវេនគ្នា ។
ឯកឧត្តមបណ្ឌិត រដ្ឋមន្ត្រីក្រសួងទេសចរណ៍ ក៏បានថ្លែងអំណរគុណក្លឹបឆ្នេរសមុទ្រ ផ្តល់ឱកាសឱ្យកម្ពុជារៀបចំមហាសន្និបាត និងការរៀបចំឆ្នេរសមុទ្រកម្ពុជា មានទឹកសមុទ្រល្អស្អាត ឆ្នេរសមុទ្រស្អាត ទីក្រុងស្អាតមិនមានការបំពុលបរិស្ថាន។ កម្ពុជាមាន បទពិសោធន៍តិចតួចក្នុងការគ្រប់គ្រងឆ្នេរ ទន្ទឹមនោះយើងត្រូវរកផលិតផលទាក់ទងនឹងសមុទ្រ ព្រោះការបង្កើតផលិតផលវាមានសារៈសំខាន់ណាស់សម្រាប់ភ្ញៀវទេសចរ ហើយអ្វីដែលជាកត្តាសំខាន់នោះ គឺសន្តិភាព បើប្រទេសជាតិមានសន្តិភាព យើងនឹងមានអ្វីៗទាំងអស់ក្នុងការបង្កើនសេដ្ឋកិច្ចសង្គមរបស់កម្ពុជា៕
![](https://z-p3-scontent.fpnh18-3.fna.fbcdn.net/v/t39.30808-6/319553914_469468401970642_6559504500797306586_n.jpg?stp=dst-jpg_p526x395&_nc_cat=101&ccb=1-7&_nc_sid=8bfeb9&_nc_eui2=AeEr4UwlhktnKp3WTiE2ogf7b-kKqz8wDw9v6QqrPzAPDx19VGD6PAVmXHPyFi1Qai454xhSaHJmHVH_5UWSKTJ_&_nc_ohc=SpN92ea8xaYAX-1yTbl&_nc_zt=23&_nc_ht=z-p3-scontent.fpnh18-3.fna&oh=00_AfD4mFyCJfRMCUGKCHnLFX2WOBzP0djyZ7cV5aPYZBmLww&oe=639A5968)
![](https://z-p3-scontent.fpnh18-3.fna.fbcdn.net/v/t39.30808-6/318557338_469468141970668_412973108128154416_n.jpg?stp=dst-jpg_p526x395&_nc_cat=111&ccb=1-7&_nc_sid=8bfeb9&_nc_eui2=AeEBKLSoDc4SzbKeddbOfZkmD-eZPHpXZnoP55k8eldmekn2deWgpDwkmcAClvsiN1I5kPMc5vQSu45A9FlUuSme&_nc_ohc=QQ4CTJB4zA0AX8rkLF-&_nc_zt=23&_nc_ht=z-p3-scontent.fpnh18-3.fna&oh=00_AfAF189zV3K2TAn-7sn5RfOYb0pyY4H_f0L-3XDlh6JZaA&oe=639AFEE7)
![](https://z-p3-scontent.fpnh18-3.fna.fbcdn.net/v/t39.30808-6/319569460_469468431970639_3629545932294591662_n.jpg?stp=dst-jpg_p526x395&_nc_cat=109&ccb=1-7&_nc_sid=8bfeb9&_nc_eui2=AeHWF7gAj9dpSLCziTOtWH43XSRykZFuaRtdJHKRkW5pG2Uqh7WEOCbeoe74Q5C3dlIA3tI3BuiGPu-LZWdxkU5W&_nc_ohc=Ppx8vkIR1YUAX-jWaHk&_nc_zt=23&_nc_ht=z-p3-scontent.fpnh18-3.fna&oh=00_AfBQoyFMtWETfAqOwim6Kiok9AKlq9U7eeEV1nE8v_sF7g&oe=6399F88E)
![](https://z-p3-scontent.fpnh18-1.fna.fbcdn.net/v/t39.30808-6/319564440_469468448637304_3645412382143740107_n.jpg?stp=dst-jpg_p526x395&_nc_cat=110&ccb=1-7&_nc_sid=8bfeb9&_nc_eui2=AeEQ_1j9KZLu4CiN7jDUPUtfCxknLeDQASALGSct4NABIGngPthH_524rCmcD8xuNsa1HWb5WVFbh9VqwmO3ZPPG&_nc_ohc=5rcn8_Ud2csAX-11qiq&_nc_zt=23&_nc_ht=z-p3-scontent.fpnh18-1.fna&oh=00_AfD3fhFOZPcWvkH0lTAL-4Piqi4K2sexO7ZW5GoBa7SYcg&oe=639A2255)
![](https://firstnewsexpress.com/wp-content/uploads/2022/12/319611007_469468511970631_1801001482924695500_n.jpg)
![](https://firstnewsexpress.com/wp-content/uploads/2022/12/319637980_469468171970665_9150838060791897221_n.jpg)