គណៈកម្មាធិការប្រយុទ្ធប្រឆាំងគ្រឿងញៀនខេត្តបន្ទាយមាមជ័យ បន្តចុះផ្សព្វផ្សាយអំពីការទាញយកកម្មវិធីទូរសព្ទដៃ Nodrug និងបារីអេឡិចត្រូនិច នៅសាលារៀន ម៉េងហួរ ណ័រវ៉េស្ទ ក្នុងក្រុងប៉ោយប៉ែត
![](https://firstnewsexpress.com/wp-content/uploads/2024/07/20240720_091944-780x470.jpg)
(បន្ទាយមានជ័យ) ដើម្បីកាត់បន្ថយរហូតឈានដល់ការលុបបំបាត់ការជួញដូរ ប្រើប្រាសគ្រឿងញៀន និងឧបករណ៍បារីអេឡិចត្រូនិច នៅកម្ពុជានោះ រដ្ឋបាលខេត្តបន្ទាយមានជ័យ សហការជាមួយការិយាល័យប្រយុទ្ធប្រឆាំងគ្រឿងញៀននៃស្នងការដ្ឋាននគរបាលខេត្ត និងមន្ទីរជំនាញពាក់ព័ន្ធ ចុះយុទ្ធនាការផ្សព្វផ្សាយអប់រំដល់ប្រជាពលរដ្ឋ ពិសេសសិស្សានុសិស្សនៅតាមសាលារៀន ដើម្បីឲ្យបានយល់ដឹងកាន់តែច្បាស់អំពីផលប៉ះពាល និងការប្រឈមនានា ដោយសារគ្រឿងញៀន។ជាក់ស្តែងនាថ្ងៃទី២០ ខែកក្កដា ឆ្នាំ២០២៤នេះ គណៈកម្មាធិការប្រយុទ្ធប្រឆាំងគ្រឿងញៀនខេត្តបន្ទាយមាមជ័យ បានបន្តចុះផ្សព្វផ្សាយស្តីអំពីការទាញយកកម្មវិធីទូរសព្ទដៃ Nodrug និងបារីអេឡិចត្រូនិច នៅសាលារៀន ម៉េងហួរ ណ័រវ៉េស្ទ ក្នុងក្រុងប៉ោយប៉ែត ដើម្បីឲ្យសិស្សានុសិស្សបានយល់ដឹកកាន់តែច្បាស់អំពីផលប៉ះពាល និងការប្រឈមនានា ។ពិធីនេះប្រព្រឹត្តទៅនៅសាលារៀន ម៉េងហួរ ណ័រវ៉េស្ទ ក្នុងក្រុងប៉ោយប៉ែតក្រោមអធិបតីភាពលោក យឹម សំណាង អភិបាលរង ខេត្តបន្ទាយមានជ័យ លោក ញឹម ផឿង អភិបាលរង ក្រុងប៉ោយប៉ែត និងមានការចូលរួមពីអគ្គនាយិកា មាន ថារី នាយកសាលារៀន ម៉េងហួរ ណ័រវ៉េស្ទ លោកគ្រូ អ្នកគ្រូ និងសិស្សានុសិស្សជាច្រើននាក់ផងដែរ។
លោក លាម ឡា នាយករងទីចាត់ការរដ្ឋបាលសាលាខេត្ត បានមានប្រសាសន៍ថា ការចុះផ្សព្វផ្សាយអំពីការទាញយកកម្មវិធីទូរសព្ទដៃ Nodrug ឲ្យបានទូលំទូលាយនេះក្នុងគោលបំណង ដើម្បីឲ្យទទួលបានសារអប់រំ ,ព័ត៌មានទាន់ហេតុការណ៍ ,ចំណេះដឹងពីផលប៉ះពាល់ ពិសេសពាក់ព័ន្ធទៅនឹងការផ្តល់សេវាសាធារណៈ ស្តានិតិសម្បទា និងគ្រឿងញៀន ហើយNodrug នេះគឺជាមធ្យោបាយរាយក្នុងការរាយការណ៍អំពីករណីប្រើប្រាស ករណីជួញដូរ ករណីដឹកជញ្ជូននិងការឆ្នៃផលិតផលគ្រឿងញៀនក្នុងសហគម មកកាន់ក្រុមការងារបានទទួលព័ត៌មាន ដើម្បីឲ្យអាជ្ញាធរមានសមត្ថកិច្ចមានវិធានការជាក់ស្តែង ដែលអាចឈានដល់ការបង្កា ទប់ស្កាត់ បង្ក្រាបបានទាន់ពេលវេលា ជាពិសេសគឺសំដៅការកាត់បន្ថយឈានដល់ការលុបបំបាត់បញ្ហាគ្រឿងញៀននៅក្នុងសហគម ស្របតាមទស្សនៈវិស័យមានន័យថាយើងចូលរួមទាំងអស់គ្នា ដើម្បីសហគមយើងគ្មានគ្រឿងញៀន ។
លោកវរសេនីយ៍ទោ ស្រី សារ៉ុម នាយការិយាល័យគ្រឿងញៀនបានឡើងធ្វើបទបង្ហាញនិងលើកឡើងថា៖អាជ្ញាធរជាតិប្រយុទ្ធប្រឆាំងគ្រឿងញៀន បានប្រកាសពីការដាក់ឱ្យដំណើរការជាផ្លូវការនូវកម្មវិធីទូរសព្ទដៃដែលមានឈ្មោះថា «NoDrug»ពិតជាមានសារៈប្រយោជន៍ខ្លាំងណាស់សម្រាប់សមត្ថកិច្ចក៏ដូចជាបងប្អូនប្រជាពលរដ្ឋនៅមូលដ្ឋានក្នុងការាយការសម្ងាត់ជូនដល់សមត្ថកិច្ច។ម្យ៉ាងវិញទៀត ដោយអនុវត្តន៍សម្រាប់ការទាញយកកម្មវិធីទូរទសព្ទដៃ Nodrug របស់បងប្អូនជាការាយការសម្ងាត់ទើបខាងសមត្ថកិច្ចបានចុះស៊ើបអង្កេត និងប្រតិបត្តិការបានចំនួន ៥ស្រុក ក្រុង ទទួលបាន ៥ករណីហើយបន្ទាប់ពីការទទួលបានពីNodrugនេះ។ក្នុងលោកវរសេនីយ៍ទោ ក៏បានធ្វើការផ្សព្វផ្សាយពីគុណវិបត្តិរបស់ការប្រើប្រាស់បារីអេឡិចត្រូនិច ក៏ដូចជាស្លឹកកន្ធំដែលជាសាធាតុញៀន តែកំពុងផ្ទុះថ្មីៗនៅក្នុងប៉ោយប៉ែតផងដែរ។
ថ្លែងនៅក្នុងឱកាសនោះលោក យឹម សំណាង អភិបាលរងខេត្ត បានមានប្រសាសន៍ថា៖(Nodrug)ជាកម្មវិធីផ្ដល់ការអប់រំពីផលប៉ះពាល់នៃការប្រើប្រាស់គ្រឿងញៀន លក្ខណៈគ្រឿងញៀនក្លាយជាក្តីបារម្ភរួមរបស់សង្គមជាតិ។ ហើយអាជ្ញាធរជាតិប្រយុទ្ធប្រឆាំងគ្រឿងញៀនទើបប្រកាសឱ្យទាញយកប្រើប្រាស់ជាផ្លូវការកាលពីពេលថ្មីៗនេះ។ ម្យ៉ាងវិញទៀតកម្មវិធីទូរសព្ទដៃ Nodrug មានក្នុងគោលបំណង៖ ១,ដើម្បីទទួលបានការកំសាន្តបែបអប់រំមេរៀន និងព័ត៌មាននានាដែលពាក់ព័ន្ធនឹងបញ្ហាគ្រឿងញៀន។២,ដើម្បីចូលរួមជាមួយសមត្ថកិច្ចតាមរយៈការរាយការណ៍អំពីព័ត៌មានដែលពាក់ព័ន្ធនឹងបញ្ហាគ្រឿងញៀន។ជាមួយគ្នានោះលោក យឹម សំណាង បានធ្វើការសំណូមពរដល់អស់លោក លោកស្រី ដែលបានចូលរួមនាពេលនេះសូមបន្តផ្សព្វផ្សាយទៅតាមមូលដ្ឋាន ជាពិសេសសិស្សានុសិស្ស ឲ្យបានទូលំទូលាយអំពីNodrug,បារីអេឡិចទ្រនិច និងស្លឹកកន្ធំដែលជាសាធាតុញៀន តែកំពុងផ្ទុះថ្មីៗនេះផងដែរ៕