ក្រុមការងាររបស់នាយកដ្ឋានផ្គត់ផ្គងក្រសួងការពារជាតិ ប្រចាំទិសទី១ យោធភូមិភាគទី៥ អញ្ជើញចុះត្រួតពិនិត្យ ការងារបង្កបង្កើនផល ចិញ្ចឹមសត្វ និងការងារធានាចិញ្ចឹមទ័ព
(បន្ទាយមានជ័យ)៖នាថ្ងៃពុធ ៦កើត ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនិងថ្ងៃទី៣ ខែសីហា ឆ្នាំ ២០២២ ក្រុមការងារនាយកដ្ឋានផ្គត់ផ្គងក្រសួងការពារជាតិ ក្រុមការងារការិយាល័យទី៤ កងទ័ពជើងគោក ការិយាល័យទី៤ យោធភូមិភាគទី៥ និងក្រុមការងារការិយាល័យទី៤ កងពលតូចថ្មើរជើងលេខ៥១ ដឹកនាំដោយ លោកឧត្តមសេនីយ៍ត្រី ថៃ គឹមថា នាយរងការិយាល័យទី៤ កងទ័ពជើងគោក បានអញ្ជើញចុះត្រួតពិនិត្យការងារបង្ករបង្កើនផល ចិញ្ចឹមសត្វ ការងារផ្ទះបាយ និងការងារគ្រប់គ្រងផ្គត់ផ្គង់ចិញ្ចឹមទ័ពរយៈពេល ០៩ ខែ ឆ្នាំ២០២២ នៅទីបញ្ជាការវរសេនាតូចថ្មើរជើងលេខ៥១៣ ស្ថិតនៅភូមិថ្មសិន សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
ក្នុងនោះដែរ លោកឧត្តមសេនីយ៍ត្រី នាយរងការិយាល័យទី៤ កងទ័ពជើងគោក បានមានប្រសាសន៍ កោតសរសើដល់កងកម្លាំងទាំងអស់ដែលបានយកចិត្តទុក ដាក់ជំរុញការងារងារបង្ករបង្កើនផល ចិញ្ចឹមសត្វ ដើម្បីបំពេញបន្ថែមលើគោលរបបប្រចាំរបស់យោធិន នៅក្នុងអង្គភាពវរសេនាតូចថ្មើរជើងលេខ៥១៣ កងពលតូចថ្មើរជើងលេខ៥១៕
