ត្រឡប់ពីលេងល្បែងកាស៊ីណូ គោះទ្វាមិត្តភក្តិមិនបើក គាស់ទ្វារចូលប្រទៈឃើញដេកស្លាប់ជាជនជាតិថៃ នៅក្នុងបន្ទប់ជួល សមត្តកិច្ចសន្និដ្ឋានថា អាចស្លាប់ដោយជំងឺគាំបេះដូង
ខេត្តបន្ទាយមានជ័យ៖ជនជាតិថៃម្នាក់ ត្រូវបានប្រះឃើញដេកស្លាប់នៅក្នុងបន្ទប់ជួល ក្រោយពីមិត្តភក្តិត្រឡប់មកពីលេងល្បែងកាស៊ីណូ គោះទ្វាមិនបើក ក៏គាស់ទ្វាចូលប្រទៈឃើញដេកស្លាប់ បង្កការភ្ញាក់ផ្អើលកាលពីវេលាម៉ោង៤និង៣០នាទីល្ងាច ថ្ងៃទី០១ ខែសីហា ឆ្នាំ២០២៣ នៅភូមិប៉ោយប៉ែត សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ សមត្ថកិច្ចសន្និដ្ឋានថា អាចស្លាប់ដោយជំងឺគាំបេះដូង។
ក្រោយមានការភ្ញាក់ផ្អើលប្រទៈឃើញជនជាតិថៃ ដេកស្លាប់នៅក្នុងបន្ទប់ជួល ក៏បានរាយការណ៍ជូនកម្លាំងជំនាញ ចុះមកពិនិត្យនិងធ្វើកោសលវិច័យបានប្រាប់ថា៖ជនជាតិថៃដែលស្លាប់មានអាយុប្រមាណជាង៥០ឆ្នាំ ដែលអាចស្លាប់មុនប្រទៈឃើញជាង១ម៉ោងមុន ស្លាប់ដោយជំងឺគាំបេះដូង។
មន្ត្រីនគរបាលជំនាញបានបញ្ជាក់ថា៖តាមសំដីមិត្តភក្តិជនរងគ្រោះដែលស្លាប់បានអោយដឹងថា គឺជនរងគ្រោះបានមកលេងល្បែងនៅក្រុងប៉ោយប៉ែតម្តងកាល ហើយបានមកស្នាក់នៅបន្ទប់ជួលជាមួយ ដែលមានជំងឺប្រចាំកាយលេបថ្នាំជាប្រចាំហើយអោយស្នាក់នៅម្នាក់ឯងក្នុងបន្ទប់ជួល នៅពេលត្រឡប់ពីលេងល្បែងកាស៊ីណូវិញ បានគោះទ្វារមិនបើក បានគាស់ទ្វារចូលប្រទៈឃើញមិត្តភក្តិដេកស្លាប់ក្នុងបន្ទប់ទើបរាយការជូនសមត្តកិច្ច។
មន្ត្រីនគរបាលបានបញ្ជាក់ថា៖ក្រោយមន្ត្រីជំនាញបានពិនិត្យនិងធ្វើកោសលវិច័យលើសាកសពជូនរងគ្រោះហើយ បានប្រគល់សាកសព ជូនសាច់ញាតិមកទទួលយកទៅស្រុកកំណើតវិញ ដើម្បីយកទៅធ្វើបុណ្យតាមប្រពៃណីយ៍៕
