ព័ត៌មានជាតិ

គ្រួសា​​រអ​តីត​យុទ្ធជន ដែ​លរងគ្រោះ​ដោ​យសារខ្យល់​កន្ត្រាក់ បណ្តាល​ឲ្យខូច​ខាតផ្ទះ​សំបែង​ ទទួល​បានអំ​ណោយពីសា​ខាកា​ក​បាទក្រហម​ខេត្ត​បន្ទាយ​មានជ័យ

(បន្ទាយមានជ័យ)៖ក្រោយពីទទួលបាន​ព័ត៌មាន ពាក់​ព័ន្ធទៅ​នឹងប្រជា​ព​លរដ្ឋដែ​លជា​គ្រួសា​​រអ​តីត​យុទ្ធជន​ រ​ស់​នៅភូមិតេ​ជោសន្តិភាព តំបន់ការេ ២ ស្ថិតក្នុងឃុំប៉ោ​យ​ចារ ស្រុកភ្នំស្រុក ខេត្តបន្ទាយមា​នជ័​យ ចំនួន ១០៧គ្រួសារ ជួប​គ្រោះ​ធម្មជា​តិ​ខ្យល់​កន្ត្រាក់ បណ្តាល​ឲ្យខាតផ្ទះ​សំបែង​ ក្នុង​នោះមាន​៣៩​គ្រួសា​រធ្ងន់ធ្ងរ ទទួលបានអំណោយពីសា​ខាកា​ក​បាទក្រហម​ខេត្ត​បន្ទាយ​មានជ័យ កាលពីថ្ងៃទី​២៩ ខែមីនា ឆ្នាំ២០២២។​

 

នាឱកាស​នោះឯកឧត្តម ​អ៊ុំ រាត្រី ប្រធា​នគណៈកម្មាធិ​ការសា​ខាកាកបាទក្រហម​ខេត្ត​​​​​ បានពាំ​នាំនូវ​ការផ្តាំ​ផ្ញើ​សាក​សួរសុខទុក្ខពីសំ​ណា​ក់សម្តេចកិត្តិព្រឹទ្ធប​ណ្ឌិត ប៊ុន រ៉ា​នី ហ៊ុនសែន ប្រធានកា​កបាទក្រ​ហមកម្ពុជា ជូន​បង​ប្អូនគ្រួ​សារ​អតី​តយុទ្ធជ​ន ដែលទទួលរង​គ្រោះ​ដោ​យខ្យល់​កន្ត្រាក់ ​និង​នាំយ​កនូវ​អំណោ​យ​ដ៏ថ្លៃថ្លារប​ស់សម្ដេចតេ​ជោ ហ៊ុន សែន នាយក​រដ្ឋមន្ត្រី​នៃកម្ពុជា​និងសម្ដេចកិត្តិព្រឹទ្ធបណ្ឌិត ប៊ុន រ៉ានី ផ្ដល់ជូនគ្រួសារអ​តីតយុទ្ធជន ដែលទទួលរងគ្រោះ​ដោយខ្យល់កន្ត្រាក់ ចំនួន១០៧ គ្រួសារ​ធ្ងន់ ៣៩​គ្រួសារ ដោយក្នុងមួ​យគ្រួសារៗទទួល​បាន អង្ករ ២៥​គីឡូក្រាម ត្រីខ ១០កំប៉ុង មី កេស ទឹកត្រី ដប មុង ភួយ សារុង ក្រមា អាវយឺត ជែលលាងសំ​អាតដៃ២ដប និងតង់ប្លាស្ទិកមួ​យផ្ទាំង សម្រាប់គ្រួសា​ររងគ្រោះធ្ងន់ធ្ងរ

 

ជាមួយគ្នានោះដែរឯកឧត្តម ​អ៊ុំ រាត្រី តំណាងដ៏ខ្ព​ង់ខ្ពស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានមានប្រសា​សន៍ចូលរួមសោកស្ដាយ ទ្រព្យសម្បត្តិ ផ្ទះសំបែ​ងរបស់បងប្អូនរ​ងគ្រោះដោយ​ខ្យល់កន្ត្រាក់​កន្លងមក។

 

ទន្ទឹមនោះដែរឯកឧត្តម ក៏បានថ្លែងនូវ​ការកោតសរសើរ និងអរគុណចំពោះកងកម្លាំងប្រដាប់អាវុធ ដែល​តែងតែ​ចុះជួយដល់បងប្អូ​នដែលទទួលរ​ងគ្រោះគ្រប់​ទីកន្លែងដូច​ជា ធ្វើការរុះរើ ជួសជុលផ្ទះ​សំបែងឡើង​វិញបានទាន់ពេលវេលា ក្នុង​នោះផងដែរឯកឧត្តម ក៏បានជំរុញដ​ល់បណ្ដាម​ន្ទីរអង្គ​ភាពជុំវិ​ញខេត្ត ចុះពិនិត្យ​ជាក់ស្ដែងដល់គេហដ្ឋានពួក​គាត់ផ្ទាល់ ស្ដីពីសុខទុក្ខ ខូចខាត​និងចូលរួម​ជួយឧបត្ថម្ភដល់គ្រួសារពួ​កគាត់ ទៅតាមលទ្ធភាពអាចជួយបាន ដែរទង្វើនេះ​សបញ្ជាក់ឲ្យ​ឃើញពីទឹក​ចិត្តអាណិតស្រឡាញ់ខ្មែរ​ជួយខ្មែរក្នុងគ្រាលំបាក

 

ជាចុងក្រោយឯកឧត្តមក៏បានធ្វើការផ្ដាំផ្ញើ​ដល់បងប្អូនទាំងអស់ ត្រូវមានការប្រុងប្រយ័ត្ន ខ្ពស់បំ​ផុតពេល​មានភ្លៀងឬខ្យល់ ត្រូវរក​កន្លែងទីសុវត្ថិភា​ព ពិសេសផ្គររន្ទះ ត្រូវបិទទូរ​សព្ទជាដាច់ខាតបញ្ចប់​នៃកា​រផ្ដល់អំណោ​យរបស់កាកបា​ទក្រហម ឯកឧត្តម លោកជំ​ទាវ អស់​លោក លោកស្រី ក៏បាន​អញ្ជើញចុះពិនិត្យខ្នងផ្ទះ សា​កសួរសុខទុក្ខនិង​បានផ្ដល់​នូវថវិកា សម្ភារៈមួយ​ចំនួនបន្ថែមទៀត ក្នុងនោះសង្កេតឃើញក​ងកម្លាំងកងរាជអាវុធហត្ថខេត្ត ដឹកនាំដោយលោកវរៈសេនីយ៍ឯក ថូ សេង តំណាង​លោកឧត្តមសេនីយ៍ត្រី ប៉ោន ប៊ិន មេបញ្ជាការក​ងរាជអាវុធហត្ថខេត្ត បានចុះសា​កសួរសុ​ខទុក្ខ បងប្អូនប្រ​ជាពលរដ្ឋនិងក្រុមគ្រួសារ​អតីតកងរាជអាវុធហត្ថខេត្ត ព្រមទាំ​ងបានផ្ដល់​ជូននូវអំ​ណោ​យ ត្រីខ មី មួយគ្រួសារៗ ទទួល​បានត្រីខ យួរ មីមួយ​កេសផងដែរ ៕

Related Articles

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *

Back to top button
kmKhmer