ឯកឧត្តម ឧបនាយករដ្ឋមន្ត្រី កែ គឹមយ៉ាន ដឹកនាំសមាជិក-សមាជិការ ជាង១ម៉ឺននាក់ ហែរក្បួនយុទ្ធនាការឃោសនាបោះឆ្នោត នៅស្រុកមង្គលបូរី
ខេត្តបន្ទាយមានជ័យ៖នាថ្ងៃសុក្រ ១២រោច ខែបឋមាសាឍ ឆ្នាំថោះ បញ្ចស័ក ពស២៥៦៧ ត្រូវនឹងថ្ងៃទី១៤ ខែកក្កដា ឆ្នាំ២០២៣ ឯកឧត្តម ឧបនាយករដ្ឋមន្ត្រី កែ គឹមយ៉ាន សមាជិកគណៈអចិន្រ្តៃយ៍ គណៈកម្មាធិកាកណ្ដាលគណបក្សប្រជាជនកម្ពុជា ប្រធានក្រុមការងារគណបក្សចុះមូលដ្ឋានខេត្ត និងជាអ្នកតំណាងរាស្ត្រមណ្ឌលខេត្តបន្ទាយមានជ័យ និងលោកជំទាវ បានដឹកនាំយុទ្ធនាការឃោសនាបោះឆ្នោតនៅស្រុកមង្គលបូរី ព្រមទាំងមានការចូលរួមពីសមាជិក–សមាជិកា គណបក្សប្រជាជនកម្ពុជា ទូទាំងស្រុក ប្រមាណជាង១ម៉ឺន នាក់។
ក្នុងការហែរក្បួនយុទ្ធនាការឃោសនាបោះឆ្នោតនេះដែរក៏មានការអញ្ជើញចូលរួមពីសំណាក់ ឯកឧត្តម –លោកជំទាវ ព្រឹទ្ធសភា–រដ្ឋសភា ឯកឧត្តម អ៊ុំ រាត្រី ប្រធានគណបក្សប្រជាជនកម្ពុជាខេត្ត ឯកឧត្តម –លោកជំទាវ ក្រុមការងារចុះមូលដ្ឋានខេត្តបន្ទាយមានជ័យ លោក –លោកស្រី ក្រុមការងារថ្នាក់ខេត្ត ចុះមូលដ្ឋានស្រុកមង្គលបូរី ពិធីនេះបានប្រារព្ធ ធ្វើឡើងនៅទីស្នាក់ការគណបក្សប្រជាជនកម្ពុជាស្រុកមង្គលបូរី ស្ថិតនៅភូមិអូរស្ងួត ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ ។
ឯកឧត្តមឧត្តមសេនីយ៍ កែ គឹមយ៉ាន បានមានប្រសាសន៍លើកឡើងថា ការបោះឆ្នោតជ្រើសតាំងតំណាងរាស្ត្រនីតិកាលទី៧ នាថ្ងៃទី២៣ ខែកក្កដា ឆ្នាំ២០២៣ខាងមុខនេះ ពិតជាព្រឹត្តិការណ៍នយោបាយជាប្រវត្តិសាស្ត្រមួយដែលមានសារសំខាន់ជាទីបំផុត ចំពោះជាតិយើងបានសម្រេចចិត្តខាងនយោបាយរបស់ប្រជាពលរដ្ឋនៅក្នុងការបោះឆ្នោត ដើម្បីជ្រើសរើសយកគណបក្សណាមួយឲ្យបន្តដឹកនាំប្រទេសទៅមានលក្ខណៈកំណត់ចំពោះជោគវាសនាអនាគតរបស់ជាតិ និងប្រជាជនដូចអ្វីដែលបានមើលឃើញជាក់ស្តែងរួចមកហើយដោយការរីកចម្រើនរបស់ប្រទេសកម្ពុជា នៅក្នុងសុខសន្តិភាពឯករាជ្យឯកភាពអធិបតេយ្យ និងបូរណភាពទឹកដីពេញលេញដូចពេលបច្ចុប្បន្ននេះ នឹងបន្តបោះ គាំទ្រជនគណបក្សប្រជាជនកម្ពុជា ឲ្យដឹកនាំប្រទេសជាតិសម្រាប់នីតិកាលទី៧ ជាបន្តទៀតគណបក្សប្រជាជនកម្ពុជា សូមប្រកាសនេះសុំការគាំទ្រពីជនរួមជាតិនៃកម្មវិធីគោលនយោបាយសម្រាប់ការកសាងនិងការពារមាតុភូមិឆ្នាំ២០២៣ ២០២៨ដើម្បីធានាការការពារសន្តិភាព និងមានអន្តរជាតិលើមាគ៌ានៃការ គាត់អាចលើកស្ទួយជីវភាពរបស់ប្រជាពលរដ្ឋទៅសម្រេចចក្ខុវិស័យក្នុងឆ្នាំ២០៣០ ពីរប្រទេសមានចំណូលមធ្យមកម្រិតខ្ពស់ទៅជាទៅជាប្រទេសដែលមានចំណូលខ្ពស់នៅឆ្នាំ២០៥០ កម្មវិធីគោលនយោបាយនេះ ត្រូវបានកសាងឡើងដោយផ្តើមចេញពីឆន្ទៈ និងបំណងប្រាថ្នាដ៏ពិសិដ្ឋរបស់ប្រជាជន និងប្រកបដោយភាពប្រាកដនិយមតែគណបក្សមានលទ្ធភាពពិតប្រាកដ ក្នុងការអនុវត្តឲ្យសម្រេចបាននូវគោលដៅគណបក្សប្រជាជនកម្ពុជាបានអនុម័តនូវការគាំទ្រសម្តេចតេជោ ហ៊ុន សែន ជាបេក្ខភាពនាយករដ្ឋមន្ត្រីសម្រាប់នីតិកាលទី៧ និងគាំទ្រឯកឧត្តមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្ត្រីសម្រាប់ពេលអនាគត ៕
